ក្រុមការងាររបស់ពួកយើង​

យើងជាសហគមន៍តែមួយ តែងមានគោលគំនិត និង មហិច្ចតាតែមួយ ក្នុងការសម្រេចកិច្ចការផ្សេងៗ តែងស្ថិតក្រោមដំបូលតែមួយ។ ទីកន្លែងធ្វើការនិងមនុស្សជុំវិញពួកយើងបានមានឥទ្ធិពលដល់ពួកយើងក្នុងការធ្វើសកម្មភាព ការរីកចម្រើន និងប្រសើរឡើងជាងមុន។

Va Kora

សហស្ថាបនិក​

មានស្រុកកំណើតនៅប្រទេសកម្ពុជា ឆ្នាំកំណើត 1986។​ហើយបានបញ្ចប់ថ្នាក់បរិញ្ញាបត្រជាន់ខ្ពស់ពីសាកលវិទ្យាល័យ The University of Electro-Communications (UEC ) ។ គាត់បានធ្វើការនៅក្រុមហ៊ុន Rakuten ហើយសម្រេចចិត្តត្រលប់មកប្រទេសកំណើតរបស់គាត់វិញ ដោយបានបង្កើតក្រុមហ៊ុន Airxpress ជាមួយលោក Aoki ។ បេសកកម្មផ្ទាល់ខ្លួនរបស់គាត់គឺ “នាំកម្ពុជាទៅកាន់ពិភពលោក!

Wataru Aoki

សហស្ថាបនិក​

មានស្រុកកំណើតនៅអូសាកា ឆ្នាំកំណើត1982 ។ បញ្ចប់ការសិក្សាពីសកលវិទ្យាល័យKobe Pharmaceutical University និងធ្លាប់មានបទពិសោធន៍នៅក្រុមហ៊ុនឱសថមួយដែលមានបទពិសោធន៍ជាឱសថការី។ លោកបានមកដល់ប្រទេសកម្ពុជាក្នុងឆ្នាំ 2015 ដើម្បីបំពេញក្តីសុបិន្តនៃការធ្វើការនៅក្រៅប្រទេស។ ដោយលោកបានបង្កើតអង្គការក្រៅរដ្ឋាភិបាលមួយដែលមានឈ្មោះថាAct of Unity ដែលផ្តល់ការថែទាំសុខភាពសម្រាប់មនុស្សដែលមានចំណូលទាប។ នៅឆ្នាំ 2015 លោកក៏បានចូលរួមជាមួយលោក វ៉ា កូរ៉ាដើម្បីបង្កើតក្រុមហ៊ុន Airxpress និងជាកន្លែងដើម្បីភ្ជាប់ទេពកោសល្យវ័យក្មេងកម្ពុជាជាមួយនឹងប្រទេសជប៉ុន។

Ms.Shelly

ប្រធានគ្រប់គ្រងផ្នែកទីតាំង​និងព្រឹត្តិការណ៍​

ក្រៅពីបានទទួលបរិញ្ញាប័ត្រផ្នែកទំនាក់ទំនងអន្តរជាតិ Shelly បានធ្វើការរៀបចំផែនការព្រឹត្តិការណ៍និងគម្រោងសហគមន៍រយៈពេល 5 ឆ្នាំទាំងនៅលើឆាកជាតិនិងអន្តរជាតិ។ តាមរយៈបទពិសោធន៍ជាច្រើនឆ្នាំរបស់នាង។ នាងដឹងនិងយល់អំពីការរៀបចំទីកន្លែងនិងគ្រប់គ្រងព្រឹត្តិការណ៍នានា ប្រកបដោយវិជ្ជាជីវៈនិងលទ្ធផលល្អ។ លើសពីនេះទៅទៀតនាងគឺតែងតែជាប្រភពនៃការកសាងទំនាក់ទំនងនិងកិច្ចសហប្រតិបត្តិការ។

Ms.Hana

អ្នកឯកទេសផ្នែកធនធានមនុស្ស (ទេពកោសល្យ)​

មានដើមកំណើតមកពីភូមិភាគអាគ្នេយ៍នៃប្រទេសកម្ពុជា នាងបានបញ្ចប់ការសិក្សានៅសាកលវិទ្យាល័យ Teikyoនៃប្រទេសជប៉ុន ។ នាងបានត្រលប់មកប្រទេសកម្ពុជាវិញ ហើយបានចូលបំពេញការងារជាមួយក្រុមហ៊ុន SpaciaNet Co. , Ltd. នៅឆ្នាំ 2019 ក្នុងនាមជាអ្នកឯកទេសផ្នែកធនធានមនុស្ស។ នាងមានគោលបំណងគាំទ្រទេពកោសល្យវ័យក្មេងរបស់កម្ពុជាដើម្បីបង្កើតបរិយាកាសការងារប្រកបដោយភាពសប្បាយរីករាយនិងការសហការគ្នាទៅវិញទៅមក។

Ms.Taylor

អ្នកសម្របសម្រួលផ្នែកទីតាំងនិងព្រឹត្តិការណ៍​

មានភូមិកំណើតនៅជនបទ ប៉ុន្តែនាងមានសុបិនធំ។ បច្ចុប្បន្ននាងកំពុងសិក្សាថ្នាក់បរិញ្ញាបត្រនៅសាកលវិទ្យាល័យបញ្ញាសាស្រ្តនៃប្រទេសកម្ពុជា។ ក្នុងអំឡុងពេលធ្វើការក្រៅម៉ោងសិក្សា នាងចូលចិត្តធ្វើការងារស្ម័គ្រចិត្តដែលផ្តោតលើការរៀបចំព្រឹត្តិការណ៍និងគម្រោងសហគមន៍ ក៏ដូចជាវាជាជំនាញរបស់នាងផងដែរ។ ដោយមានជំនាញនិងសមត្ថភាព ក្នុងការដឹកនាំរបស់នាង នាង ជំរុញនិងលើកទឹកចិត្តដល់ស្ត្រី ផ្សេងទៀតក្នុងការរៀបចំគម្រោង ព្រឹត្តិការណ៍ កម្មវិធីនានា និងក្លាយជាមេដឹកនាំគំរូនៅក្នុងសហគមន៍របស់ពួកគេ។

Mrs. Luch Sokheurn

ប្រធានគ្រប់គ្រងផ្នែកសម្អាត​

ពួកយើងពិតជាសប្បាយចិត្តនិងមានសេចក្តីអំណរអរគុណដល់អ្នកមីងសុខឿននៅក្នុងក្រុមហ៊ុនរបស់ពួកយើង គាត់បានធ្វើការយ៉ាងស្វាហាប់ដើម្បីធានាបានថា ពួកយើងគ្រប់គ្នាមានបរិយាកាសការងារល្អនិងបរិវេណប្រកបដោយផាសុកភាព។ អ្នកមីងជឿជាក់ថា ការដែលមានបរិយាកាសការងារល្អនិងមានផាសុកភាពល្អនិងបង្កើតលទ្ធផលខ្ពស់ផ្លែផ្កាសម្រាប់បុគ្គលខ្លួនឯងផ្ទាល់ ក៏ដូចជាក្រុមហ៊ុនផងដែរ។