កិច្ចសម្ភាសន៍ជាមួយ Lodosha

Sovanda CHHOUR

កាលពីសប្តាហ៍មុនSpaciaNetបានជជែកជាមួយនឹងក្រុមយុវជនAIESECដែលជាអតិថិជនទីតាំងព្រឹត្តិការណ៍របស់យើង។ ដោយឡែកអត្ថបទសប្តាហ៍នេះSpaciaNetនឹងបង្វែរអារម្មណ៍មិត្តអ្នកអានមកជួបជាមួយLodosha-ឡូដូស្យាដែលជាអតិថិជនជួលបន្ទប់ការិយាល័យរបស់យើងវិញម្តង។ SpaciaNetចង់ស្វែងយល់បន្ថែមពីពួកគាត់ដោយយើងសង្កេតឃើញថាពួកគាត់ធ្វើការងារយ៉ាងសកម្មជាមួយនឹងក្រុមហ៊ុនជប៉ុននិងឧស្សាហ៍ចែករំលែកពីវប្បធម៍របស់ប្រទេសជប៉ុននៅលើគេហទំព័រFacebookរបស់ពួកគាត់ផងដែរ។ខាងក្រោមនេះគឺជាកិច្ចសន្ទនារវាងSpaciaNetនិងសមាជិកក្រុមហ៊ុនLodoshaក្នុងគោលបំណងស្វែងយល់បន្ថែមពីការងាររបស់ពួកគាត់។

SpaciaNetសួស្តីបង! 
ម៉ាលីណែតចាស សួស្តី!
SpaciaNetមុននឹងចាប់ផ្តើម សូមបងជួយណែនាំខ្លួនទៅកាន់មិត្តអ្នកអានរបស់យើងបន្តិចទៅ! 
ម៉ាលីណែត នាងខ្ញុំមានឈ្មោះ ម៉ាលីណែត ជាបុគ្គលិកផ្នែក ធនធានមនុស្ស និងគណនេយ្យនៃក្រុមហ៊ុន Lodosha-ឡូដូស្យា។ 

Screen Shot 2021-02-06 at 12.40.01 PM
SpaciaNet៖ តើឡូដូស្យាជានរណា ហើយបង្កើតឡើងក្នុងគោលបំណងអ្វី?

ម៉ាលីណែត៖ ឡូដូស្យា(LODOSHA Co., Ltd) គឺជាក្រុមហ៊ុនដែលត្រូវបានបង្កើតឡើង ដោយស្ថាបនិកខ្មែរ និងជប៉ុនដើម្បីជួយដល់យុវជនខ្មែរក្នុងការស្វែងរកការងារធ្វើនៅប្រទេសជប៉ុន និងក្រុមហ៊ុនជប៉ុនដែលមានបំណងស្វែងរកកម្លាំងពលកម្មពីប្រទេសកម្ពុជាតាមរយៈប្រព័ន្ធអ៊ិនធឺណេត។បើនិយាយឲ្យខ្លីទៅយើងប្រៀបបានទៅនឹងអ្នកសម្របសម្រួលនិងអ្នកប្រឹក្សាបេក្ខជនដែលពួកគាត់មានបំណងចង់ទៅធ្វើការនៅប្រទេសជប៉ុន។ ចក្ខុវិស័យរបស់យើង គឺយើងចង់ក្លាយទៅជាគេហទំព័រលេខ១ ក្នុងការផ្គត់ផ្គង់ធនធានមនុស្សប្រចាំប្រទេសកម្ពុជា។

SpaciaNet ៖ តើបងអាចប្រាប់បានទេថា ការងារទាំងនោះមានអ្វីខ្លះ?
ម៉ាលីណែត៖ ការងារទាំងនោះមានច្រើន តែការងារដែលបងប្អូនប្រជាពលរដ្ឋខ្មែរពេញនិយមជាងគេនោះគឺមានដូចជាការងារខាងផ្នែកកសិកម្ម សំណង់ ថែទាំមនុស្សចាស់ជាដើម។ បងប្អូនអាចទទួលបានប្រាក់ឈ្នួលអតិប្បរមារក្នុងមួយម៉ោង៖ ក្នុងរង្វង់ចន្លោះពី ៧៩០យ៉េន (ប្រមាណ ៧,៤ដុល្លារ) ទៅ ១១១៣ យ៉េន (ប្រមាណ ១០.៤០ដុល្លារ) ទៅតាមតំបន់ និងទីក្រុងនីមួយៗ។ 

SpaciaNet៖ និយាយពីដំណើរការនៃការដាក់ពាក្យវិញ  តើបេក្ខជនត្រូវចំណាយពេលប៉ុន្មានទើបពួកគាត់អាចជាប់ជាស្ថាពរ?
ម៉ាលីណែត៖ ជាទូទៅប្រហែលជា៦ខែដោយក្នុងនោះពួកគាត់ត្រូវបំពេញបែបបទតាមគេហទំព័រLodosha-ឡូដូស្យាដើម្បីឲ្យខាងក្រុមហ៊ុនជប៉ុនអាចមើលនូវជីវប្រវត្តិរបស់បេក្ខជន ដើម្បីស្វែងយល់ពីពួកគាត់មុននឹងធ្វើការសម្ភាសន៍។ក្រុមហ៊ុនយើងក៏ជួយហ្វឹកហាត់ពួកគាត់ក្នុងការត្រៀមឆ្លើយសំណួរវគ្គសម្ភាសន៍នេះផងដែរ។ បើសិនជាបេក្ខជនជាប់វគ្គសម្ភាសន៍ គាត់ត្រូវទៅពិនិត្យសុខភាព មុននឹងជាប់ជាស្ថាពរ។

SpaciaNet ៖ កន្លងមក តើឡូដូស្យាធ្លាប់ជួបប្រទះនឹងបញ្ហាអ្វីដែរឬទេ?
ម៉ាលីណែត៖បញ្ហាដែលយើងឧស្សាហ៍ជួបប្រទះនោះគឺភាគច្រើនបងប្អូនជនជាតិខ្មែរយើងដែលមានបំណងចង់ទៅធ្វើការនៅប្រទេសជប៉ុនច្រលំថាយើងជាក្រុមហ៊ុនបញ្ចូនសិក្ខាកាមទៅប្រទេសជប៉ុនតែតាមពិតទៅពួកយើងមិនមែនជាក្រុមហ៊ុនបញ្ចូននោះទេ។

SpaciaNet ៖ ហេតុអ្វីបានជាក្រុមការងារបងជ្រើសរើសការិយាល័យនៅSpaciaNet ជាកន្លែងធ្វើការ?
ម៉ាលីណែត៖ ចំនុចខ្លាំងរបស់ក្រុមការងារSpaciaNetគឺក្រុមការងារមានភាពរស់រាយរាក់ទាក់និងយកចិត្តទុកដាក់ខ្ពស់ទៅលើអតិថិជន។ពេលណាក្រុមការងារឡូដូស្យាជួបប្រទះទៅនឹងបញ្ហាយើងតែងតែទទួលបាននូវដំណោះស្រាយភ្លាមៗពីក្រុមការងារSpaciaNetដោយមិនចាំបាច់រង់ចាំយូរនោះទេ។ លើសពីនេះទៅទៀត គឺកន្លែងធ្វើការមានផាសុខភាព និងអនាម័យល្អ គួបផ្សំជាមួយនឹងទេសភាពដ៏ស្រស់ស្អាតទៀតផង។ ទាំងនេះគឺ ជាហេតុផលដែលក្រុមការងារយើង ជ្រើសរើសSpaciaNetជាទីតាំងការិយាល័យ។

SpaciaNet ៖ តើបងមានសារចុងក្រោយទៅកាន់មិត្តអ្នកអានរបស់យើងដែរឬទេ?

ម៉ាលីណែត៖ អរគុណច្រើនSpaciaNetដែលបានរៀបចំកិច្ចសម្ភាសន៍មួយនេះឡើង។ ក្រុមការងារឡូដូស្យាកំពុងតែធ្វើការលើកម្មវិធីទូរស័ព្ទដៃដែលយើងផ្តោតសំខាន់ទៅលើភាសាបច្ចេកទេសជាភាសាជប៉ុនជួយសម្រួលដល់បងប្អូនជនជាតិខ្មែរដែលមានបំណងចង់ចេះភាសាបច្ចេកទេសទាំងនោះមុននឹងទៅបំរើការនៅប្រទេសជប៉ុន។ នៅពេលដែលកម្មវិធីទូរស័ព្ទដៃរបស់យើងធ្វើរួចរាល់យើងនឹងដាក់ឲ្យសាធារណៈជនប្រើប្រាស់ដោយមិនគិតថ្លៃឡើយ។ ដូចនេះកុំភ្លេចតាមដានគេហទំព័រFacebookរបស់យើងដើម្បីរង់ចាំដោនឡូតកម្មវិធីទូរស័ព្ទប្រើប្រាស់ទាំងអស់គ្នា។

 Like គេហទំព័រ Facebook របស់ Lodosha

070 353 568

Sign up for newsletter

{{errors_name}}
{{errors_email}}